Qaraózek rayonınıń fermer xojalıqları hár jıl sayın joqarı zúráátlikke erisiw ushın tınımsız miynet islep, ǵawasha tárbiyasına dıqqat- itibar qaratıp kiyatır.
Olar bıyılǵı jıldıń ǵawasha tárbiyasınıń agrotexnikalıq jumısların óz waqtında júrgizip, suwǵarıw jumısların sapalı alıp barmaqta.
Rayondaǵı «Berdaq» APJ Amirbay ata fermer xojalıǵında ǵawasha tárbiyasına arnalǵan kórgizbeli seminar keńes bolıp ótti.
Seminarǵa rayon hákimi U. Utambetov, fermer xojalıqları menen tiyisli mákeme basshıları qatnastı. Onda shıǵıp sóylewshiler ǵawashaǵa suwdan keyin óz waqtında tárbiyasın beriw, sapalı shúdigarǵa qoyıw hám shırpıw jumıslarına ayrıqsha itibar qaratıwǵa toqtap ótti hám qánigeler tárepinen seminar qatnasıwshılarına másláhátler berildi.

Qaraózek rayonı hákimligi málimleme xızmeti