Qaraózek rayon hákimliginiń májilisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti.
Sessiyaǵa rayonlıq Keńes deputatları, sektor baslıqları, rayon hákimi orınbasarları, siyasiy partiyalar, mákeme, shólkem basshıları menen ǵalaba xabar quralları wákilleri qatnastı.
Sessiya kún tártibinde Qaraózek rayonı prokuraturası, májbúriy orınlaw byurosı, jınayat isleri boyınsha Qaraózek rayonlıq sudı, ádillik bólimi hám Ózbekstan Respublikası Prezidentiniń Qaraózek rayonındaǵı xalıq qabıllıwxanalarının málimlemeleri tıńlandı. Sessiya kún tártibinde rayonlıq Ishki isler bólimi hám jámiyetlik qáwipsizlik xızmeti, huqıqbuzarlıqlar profilaktikası bólimi, shańaraq hám hayal-qızlar bólimi, qarjı bólimleriniń 2023-jıldıń 6 ay dawamında ámelge asırılǵan jumıslar haqqında esabatları tıńlandı.

Sonday-aq Ózbekstan sawda-sanaat palatasınıń rayon aymaǵındaǵı háreketsiz kárxanalardı úyreniw juwmaqların talıqlawdıń nátiyjeleri haqqında bayanatı dodalandı.
Kún tártibindegi turaqlı komissiyalar usınısları boyınsha basqada máselelerge tiyisli sheshimler qabıl etilip, aldaǵı rejeler belgilep alındı.