Qaraózek rayonı hákimliginiń májilisler zalında Prezident janındaǵı sociallıq qorǵaw milliy agentliginen tiyisli wákiller qatnasıp, sociallıq qorǵawǵa mútáj shaxslardıń bazasın qáliplestiriw boyınsha xatlaw jumısların shólkemlestiriwge baǵıshlanǵan seminar ótkerildi. Oǵan rayon hákimi orınbasarları, sektor basshıları, mákeme, shólkem baslıqları hám 13 máhálle beslik xızmetkerleri qatnastı.
Bunda, Prezidentimizdiń 01.06.2023-jılǵı “Xalıqqa sapalı sociallıq xızmet hám járdem kórsetiw hámde onı nátiyjeli qadaǵalaw sistemasın jolǵa qoyıw boyınsha kompleksli ilájlar haqqında” ǵı 82-sanlı Pármanı tiykarında sociallıq qorǵawǵa mútáj shaxslardı anıqlaw hám olardıń milliy bazasın qáliplestiriw boyınsha xatlaw ótkeriw tártibin tanıstırdı.
Seminar dawamında qatnasıwshılar ózleriniń qızıqtırǵan sorawlarına tolıq juwaplar aldı.

Qaraózek rayonı hákimliginiń málimleme xızmeti