Búgin Qaraózek rayonı jınayat isleri boyınsha sudı baslıǵı J. Allaniyaovtıń basshılıǵında Qaraózek rayonlıq mektepke shekemgi xám mektep bilimlendiriw bólimine qaraslı 1-sanlı ulıwma orta bilim beriw mektebinde kóshpeli sud májlisi bolıp ótti.
Kóshpeli sud májlisinde Qaraózek rayonı ishki isler bólimi jámiyetlik qáwipsizlik xızmeti probaciya toparı esabında turıp jaza múddetin ótep atırǵan eki shaxstıń jaza ótew dáwirinde islegen jınayatınan shın kewilden pushayman bolıp, miynetke hadal múnásibette bolǵanlıǵı ushın rayon sudı tárepinen Ózbekstan Respublikası JK niń 73-statyasına tiykar jazadan múddetinen aldın shártli túrde azat etildi.
Sonday-aq, Qaraózek rayonı ishki isler bólimi jámiyetlik qáwipsizlik xızmeti huqıqbuzarlıqlar profilaktikası bólimi, profilaktika inspektorları tárepinen Qaraózek rayonı aymaǵında hákimshilik huqıqbuzarlıq islegenligi ushın irkilip, qarsısına hújjetler rásmiylestirilip, sudqa ótkerilgen 2 puqaraǵa, Ózbekstan Respublikası hákimshilik juwapkershilik haqqındaǵı kodeksiniń 183 hám 194 statyalarına tiykar 10 sutka hákimshilik qamaq jazası tayınlandı.
Sud májilisi sońında qatnasqan puqaralarǵa, hákimshilik huqıqbuzarlıqlar islemew, hár túrdegi jınayatlardıń aldın alıw boyınsha huqıqıy túsinikler berip ótildi.

Qaraózek rayonı hákimliginiń málimleme xızmeti