Ózbekstan Respublikası mektepke shekemgi hám mektep bilimlendiriw ministrligi qasındaǵı Mektepke shekemgi bilimlendiriw agentligi menen birgelikte “Mercy Corps” tárepinen usı jıldıń 12- hám 21-iyul kúnleri Surxandárya wálayatı, Termiz qalası hám Qaraqalpaqstan Respublikası Nókis qalasında “Mektepke shekemgi bilimlendiriw sapasın asırıw hám pedagoglardıń kásiplik rawajlanıwınıń áhmiyeti” atamasında ámeliy konferenciya bolıp ótti. Onda rayonımızdaǵı 1- hám 9-sanlı mámleketlik mektepke shekemgi bilimlendiriw shólkemleriniń pedagog-tárbiyashıları qatnastı.
Konferenciyada pedagoglar hám olardı qollap-quwatlaytuǵın mentorlar (tárbiyashılar) hám “Mercy Corps” tárepinen Ózbekstandaǵı mektepke shekemgi bilimlendiriw shólkemleri pedagoglarınıń potencialın asırıw baǵdarlaması sheńberinde balalarda dáslepki jasınan baslap sawatlılıǵın rawajlandırıw sheńberinde ótkerilip atırgan ámeliy islerdiń jetiskenlikleri haqqında maglıwmatlar berip ótildi.
Ilaj juwmagında, konferenciya qatnasıwshılarına sertifikatlar tapsırıldı hám Qaraqalpaqstan Respublikası hám Surxandárya wálayatınıń Ózbekstandagı “Mercy Corps” bagdarlamasına kiritilgen barlıq mámleketlik mektepke shekemgi bilimlendiriw shólkemleri ushın plakatlar, oqıw kartaları toplamları hám balalarda erte sawatlılıqtı rawajlandırıw boyınsha ámeliy ideyalarga iye pedagoglarǵa konferenciya qollanbalarınan ibarat sıylıqlar toplamı tapsırıldı.