Búgin rayon hákimliginiń kishi májilisler zalında Ózbekstan Respublikası Prezidenti janındaǵı Isbilermenlik subektleriniń huqıqları hám nızamlı máplerin qorǵaw boyınsha májilis bolıp ótti.
Májilisti rayon hákiminiń birinshi orınbasarı Q. Azerbaev ashı hám basqarıp bardı.
Májiliste rayon aymaǵında isbilermenlik subektleri jumısların elede rawajlandırıw, olardıń iskerligi hám baslamaların hár tárepleme qollap-quwatlaw, bar bolǵan mashqalalardı saplastırıw maqsetinde, turaqlı túrde sáwbetlesiw hám isbilermenlerdi qıynap kiyatırǵan mashqalalardı ornında sheship barıw zárúrligin atap ótti.
Bunnan soń, Ózbekstan Respublikası Prezidenti janındaǵı Isbilermenlik subektleriniń huqıqları hám nızamlı máplerin qorǵaw boyınsha wákiliniń Qaraqalpaqsatan Respublikası Basqarması baslıǵı E. Dosanov isbilermenlik penen baylanıslı máseleler boyınsha óz másláhátlerin berip, isbilermenlerdiń murajatları tıńlandı hám de qosımsha úyreniwdi talap etken múrájatlardı úyrenip shıǵıw ushın tiyisli mákeme, shólkem basshılarına tapsırmalar berildi.

Qaraózek rayonı hákimliginiń málimleme xızmeti