Mámleketimizde kekse áwlad wákillerin mámleket tárepinen qollap-kuwatlaw, olardıń sociallıq iskerligin asırıw boyınsha bir qatar ilajlar ámelge asırılmaqta.
Úlken ómir tájiriybege iye nuranıylar “Bir nuranıy on jasqa juwapker” tiykarında ózleri jasap atırǵan máhallelerde tárbiyası awır, jámlespegen jaslar menen islesiwde jaqınnan járdem berip kiyatır.
Usı tiykarda belsendi nuranıylar arasında kórik tańlaw shólkemlestirildi. Oǵan Qaraqalpaqstan Respublikası Joqarǵı Keńes deputatı T. Romanov, Qaraqalpaqstan Respublikası “Nuranıy qorı” bólimi baslıǵı T. Abdijabbarov hám Xalıq deputatları Qaraózek rayonlıq Keńesi baslıǵı Q. Jaqsımuratovlar qatnastı hám shıǵıp sóyledi.
Qatnasıwshılar tańlaw shártleri boyınsha keskin bellesip, onda ózleri tuwralı maǵlıwmatlar, jaslar menen islesip atırǵan jumısları haqqında foto albomlar hámde videorolikleri menen qatnastı.
Jarıs juwmaǵında “Ata mákan” mákan puqaralar jıyınınan qatnasqan belsendi nuranıy N. Tlewmuratov sıylı I-orındı, “Ǵárezsizlik gúzarı” nan A. Qállibekov II-orındı hám A. Dosnazarov awıl puqaralar jıyınınan M. Orınbaev III-orındı, Berdaq awıl puqaralar jıyınınan qatnasqan belsendi nuranıy A. Tilewmuratov IV-orınlardı alıp, Qaraqalpaqstan Respublikası “Nuranıy qorı” tárepinen aqshalay sıylıqlandı.
Tańlaw juwmaǵında qatnasıwshılarǵa yoshlı koncert baǵdarlamaları qoyıp berildi.

Qaraózek rayonı hákimliginiń málimleme xızmeti