Ózbekstan Respublikası Ministrler Kabinetiniӊ 2022-jıl 6-sentyabrdegi “Qaraqalpaqstan Respublikası aymaqların sociallıq-ekonomikalıq rawajlandırıw, qolaylı biznes ortalıǵın jaratıw, innovaciyalıq texnologiyalardı engiziw hám infrastruktura menen támiyinlengenlik dárejesin jánede jaqsılaw arqalı xalıqtıӊ turmıs dárejesin jaqsılaw boyınsha qosımsha ilajlar haqqında” ǵı 500-sanlı qararı tiykarında Qaraózek rayonında da 2023-jıl dawamında rayondaǵı 17 awıldaǵı jaramsız topıraq jollardı qum-shebenli jollarǵa ótkeriw jumısları juwmaqlanıw basqıshına keldi.
Bul jumıslar rayondaǵı Berdaq, A. Dosnazarov APJ , Ata mákan MPJ da jámi 23,6 kilometr aralıqqa, 2 mlrd 955 mln sumlıq qarjı ajıratılıp, jumıs kólemi 100 payızǵa orınlanıp, bul jumıslar Esim ózek awıl puqaralar jıyınına qaraslı Qoshqarbay awılında dawam etpekte.

Qaraózek rayonı hákimligi málimleme xızmeti