Shańaraq hám hayal-qızlar komiteti, Ózbekstan psixologlar associaciyası menen birgelikte «Máhálledegi hayal-qızlar belsendileriniń psixologiyalıq bilimlerin qáliplestiriw» atamasında bir kúnlik seminar shólkemlestirildi.
Seminarǵa Qaraózek hám Taxtakópir rayonlarındaǵı máhálle hayal-qızlar belsendileri qatnastı.
Seminardı ótkeriwdegi tiykarǵı maqset, hayal-qızlar belsendileriniń shańaraqlar menen islesiwde unamsız jaǵdaylardıń aldın alıw, ruwxıy túskinlikke túsken puqaralar hám zorlıq isletiwden jábir kórgen hayal-qızlarǵa járdem kórsetiw hám de shańaraqlardaǵı ajırımlardıń aldın alıw bolıp esaplanadı.
Seminar dawamında qatnasıwshılardıń psixologiyalıq bilimlerin qáliplestiriw hám tájiriybelerin asırıw boyınsha másláhátler berildi.

Qaraózek rayonı hákimliginiń málimleme xızmeti