Puqaralardıń abadan turmısın támiyinlew baǵdarında respublikamızdıń alıs aymaqlarında jasawshı xalıqtıń jasaw sharayatın jaqsılaw qolaylı múmkinshilikler jaratıw maqsetinde Respublika basshıları tárepinen bir qatar unamlı jumıslar ámelge asırılmaqta.
Bul baǵdardaǵı jumıslar “Qaraózek” awıl puqaralar jıyınında dawam etpekte. Jıllar dawamında aymaqqa barıwshı 4K.3B jergilikli áhmiyettegi jollardıń nasazlıǵı puqaralarǵa biraz qıyınshılıqlardı payda etip kiyatır edi.
Xalıqtıń bul mashqalaların Respublika basshıları úyrenip shıǵıp, rayon orayınan Qaraózek awıl puqaralar jıyınına shekemgi jollardı qara qaplamalı jollarǵa ótkeriw, “Qoramlı” hám “Qostamǵalı” awıllarına baratuǵın jollarǵa qum-shebenler tógilip, ońlaw jumısları alıp barılmaqta.

Qaraózek rayonı hákimligi málimleme xızmeti