Ózbekstan Respublikası Prezidentiniń 2023-jıl 27-iyuldaǵı “Ózbekstan Respublikası Ǵárezsizliginiń 32 jıllıq bayramına tayarlıq kóriw hám onı ótkeriw haqqında” ǵı PQ-241-sanlı qararı tiykarında “Jańa turmıs ushın, Jańa Ózbekstan ushın!” súrenin ózinde jámlestirgen ruwxıy-aǵartıwshılıq ilajları rayonımızdıń barlıq aymaqlarında ótkerilmekte.
Usı súren astında rayondaǵı «Qaraózek» awıl puqaralar jıyınında “Úsh áwlad ushırasıwı” bolıp ótti.

Ushırasıwǵa Watanımızdıń gúllep jasnawı ushın onıń ekonomikası menen mádeniyatın rawajlandırıwǵa úlken úles qosqan áziz nuranıy atalar hám analar, orta áwlad hám jaslar wákilleri menen birgelikte Nókis qalasınan kelgen mádeniyat, ilim-pán hám iskusstvo tarawı xızmetkerleri, jazıwshı hám shayırlar elimizge miyneti sińgen nuranıylar qatnastı.
Ilajda rayonı hákimi U. Utambetov, Qaraqalpaqstan Respublikası Joqarǵı Keńesi deputatı T. Romanov, “Nuranıy” qorı Qaraqalpaqstan Respublikası bólimi baslıǵı T. Abdijabbarov hám Ózbekstan xalıq artisti T. Doshumovalar shıǵıp sóylep, ushırasıwdıń tiykarǵı maqseti menen tanıstırıp, ózleriniń dóretiwshilikleri boyınsha qatnasıwshılarǵa aytıp ótti.
Ilajda aymaqtaǵı jası úlken nuranıylarǵa “Nuranıy” qorı Qaraqalpaqstan Respublikası bólimi tárepinen tayarlanǵan estelik sawǵalar tapsırılıp, yoshlı koncert baǵdarlamaları menen dawam etti.

Qaraózek rayonı hákimligi málimleme xızmeti.