Búgin rayondaǵı «Dawlet» fermer xojalıǵında bıyılǵı jılǵı paxta jıyın-terimin shólkemleskenlik penen ótkeriw hám paxtaǵa defoliaciya islewge baǵıshlanǵan seminar keńes bolıp ótti.
Oǵan rayondaǵı tórt sektor baslıqları, tiyisli ministrlikler menen rayondaǵı awıl xojalıǵı qánigeler menen fermer xojalıǵı basshıları qatnastı.
Seminarda Qaraqalpaqstan Respublikası Ministrler Keńesi Baslıǵınıń orınbasarı D. Qaypov shıǵıp sóylep, paxtaǵa óz waqtında defoliaciya júrgiziw, mapazda awıl xojalıǵı texnikalarınan nátiyjeli paydalanıw, jıyın terimge qatnasıwshılarǵa jeterli sharayatlar jaratıwǵa ayrıqsha itibar qaratıw zárúrligi atap ótildi.
Bunnan soń, tiyisli qánigeler paxtaǵa defoliaciya qılıwdıń áhmiyeti, agrotexnikalıq ilajların óz waqtında islep, mol zúráát toplaw boyınsha másláhátlerin berdi.
Seminar soraw-juwaplar menen dawam etti.

Qaraózek rayonı hákimliginiń málimleme xızmeti