Xalqımız ázelden jol salǵan, kópir qurǵan, qudıq qazǵandı eń sawaplı islerden sanap kelgen.
Házirgi waqıtta xalıqtıń sanı artıp, talǵamınıń kúsheyip baratırǵan bir payıtında rayonda iri kólemdegi jol, kópir qurılısların júrgiziw jumısları jedellik penen alıp barılmaqta.
Qaraqalpaqstan Respublikası Joqarǵı Keńesi Prezidiumınıń 2023-jıl 22-iyun kúngi «Qaraqalpaqstan Respublikasınıń qala hám rayonlarındaǵı xalıqtı qıynap kiyatırǵan mashqalalardı saplastırıw maqsetinde sociallıq taraw hám de infrastruktura obektlerinde qurılıs-ońlaw jumısların alıp barıw haqqında» ǵı 1235-sanlı qararı qabıl etilgen edi.
Usı qarar tiykarında 4R179 Qaraózek qum shúńgil stanciyasınıń 0-3 km aralıǵına qara qaplamalı asfalt tósew jumısların ámelge asırıw belgilengen bolıp, búgingi kúnde qurılıs jumısları dawam etpekte.
Qurılıs jumısların Nókis qalasındaǵı «Keleshek stroy montaj» JShJ niń qurılısshıları alıp barmaqta.
Qaraózek rayonı hákimliginiń málimleme xızmeti