Ózbekstan Respublikası Ministrler Kabinetiniń 2023-jıl 2-fevraldaǵı 52-sanlı «Qaraqalpaqstan Respublikasında puqaralar ushın múnásip turmıs sharayatın jaratıw hám máhálleler infrastrukturasın ele de jaqsılaw is-ilajları haqqında» ǵı qararı tiykarında Qaraózek rayonındaǵı 13 ózin-ózi basqarıw uyımlarında jasawshı 706 awır sharayatta jasawshı shańaraqlardıń kóp jıllıq múshkilin jeńil etetuǵın ayrıqsha hújjet boldı. Qararǵa tiykar rayon boyınsha 706 puqaranıń jayınıń tóbesin shiferlaw, 7 shańaraqqa jańadan úy qurıp beriw belgilengen. Rayonda bul belgilengen jumıslar Namangan wálayatınıń qáwenderliginde izbe-izlikte baslanıp atır.

Búgingi kúnde “Qaraózek” awıl puqaralar jıyını aymaǵında 110 shańaraqtıń turaq-jayın shiferlaw rejelestirilgen bolıp, «Namuna Qurilish Invest» JShJ tárepinen 15 shańaraqtıń turaq-jayın shiferlaw jumısları alıp barılmaqta.
Shańaraq iyeleri bolsa kórsetilip atırǵan bunday qáwenderlik járdemleri ushın júdá minnetdar.
Qaraózek rayonı hákimligi málimleme xızmeti