Assalawma áleykum qádirli watanlaslar!
Eń dáslep, Sizlerdi Qaraózek rayonı hákimligi atınan elimiz tariyxındaǵı qutlı sáne, erkin hám abadan turmıs jolındaǵı barlıq tabıslarımızdıń tiykarı bolǵan eń ullı hám eń áziz áyyyam-Ǵárezsizligimizdiń otız eki jıllıq bayramı menen qızǵın qutlıqlap, bársheńizge bekkem den sawlıq, shańaraqlarıńızǵa baxıt hám bereket, elimizdiń jáne de rawajlanıwı jolındaǵı barlıq iygilikli islerińizde tasqın tabıslar tileymen!
Bıyılǵı Ǵárezsizlik bayramı Húrmetli Prezidentimizdiń arnawlı qararına muwapıq pútkil elimiz boylap «Jańa turmıs ushın, Jańa Ózbekstan ushın!» degen tereń mazmunlı súreni astında ótkeriliwi kewillerdi tolqınlandırıp, bársheni ullı dóretiwshilik islerge ruwxlandırmaqta.
Bársheńizdiń xabarıńız bar, búgingi kúnde elimizde insan huqıqları menen nızamlı máplerin támiyinlew, jaslarımız benen hayal-qızlarımızdı, nuranıylarımız benen sociallıq járdemge mútáj insanlardı hár tárepleme qollap-quwatlaw, xalqımızdıń turmıs dárejesi hám sapasın jaqsılaw, isbilermenlikke keń jol ashıw ilajları pútkilley jańa basqıshlarǵa kóterilip barmaqta.
Sonı maqtanısh penen atap ótiwimiz tiyis, búgingi kúnde Húrmetli Prezidentimizdiń basshılıǵında elimizdiń barlıq orınları sıyaqlı rayonımız jańasha shıray ashıp, úlken dóretiwshilik maydanına aylanıp barmaqta.
Keyingi jıllarda qurılıs tarawında da rayonımız aymaǵında keń kólemli qurılıs ońlaw jumısları alıp barılmaqta.
Ózbekstan Respublikası Prezidentiniń 2021-jıl 9-dekabr kúngi «Jańa Ózbekstan» massivlerin qurıw hám aymaqlardıń sociallıq-ekonomikalıq rawajlanıwın támiyinlew haqqında» ǵı
PP-32-sanlı Pármanına muwapıq, puqaralarǵa bir qansha qolaylıqlar jaratıw hám de rayon orayı kelbetiniń arxitekturalıq kórinisi jaǵınan shıray beretuǵın yaǵnıy, gaz, elektr hám suw tarmaqlarına jalǵaw rejelestirilgen bolıp, rayonımızdıń «Esim» mákan puqaralar jıyını aymaǵınan 10,0 gektar jer maydanı tańlap alınıp, 2022-2024-jıllar aralıǵında jámi 22 dana 5 qabatlı turaq-jaylar hám de 330 orınlı ulıwma orta bilim beriw mektebi, 180 orınǵa mólsherlengen mektepke shekemgi bilimlendiriw shólkemin qurıw belgilengen bolıp, házirgi waqıtta 2 kóp qabatlı turaq jay, 330 orınlı mektep hám 180 orınlı baqsha paydalanıwǵa tapsırılıw aldında tur.
Ózbekstan Respublikası Prezidentiniń 2022-jıl
25-oktyabr kúngi «2022-2023-jıllarda máhálleler infrastrukturasın jáne de jaqsılaw boyınsha qosımsha is-ilajlar haqqında» ǵı PQ-408-sanlı qararına muwapıq, rayon aymaǵındaǵı 13 máhálle puqaralar jıyını aymaqlarında anıqlanǵan mashqalalar hár tárepleme úyrenip shıǵıldı hám joqarıdaǵı qarar talaplarınan kelip shıǵıp, 2022-2023-jıllarda máhálleler infrastrukturasın rawajlandırıw boyınsha baǵdarlama tiykarında 8,7284 mlrd.swmlıq jumıslar ámelge asırılıwı belgilengen hám qurılıs-ońlaw jumıslarınıń mánzilli dizimi qáliplestirilgen.
Sonday-aq Ózbekstan Respublikası Ministrler Kabinetiniń 2023-jıl 2-fevral kúngi “Qaraqalpaqstan Respublikasında xalıq ushın múnásip turmıs sharayatların jaratıw hám máhelleler infrastrukturasın jáne de jaqsılaw ilajları haqqında” ǵı 52-sanlı qararına muwapıq, rayon aymaǵındaǵı barlıq máhállelerden turmıs sharayatı awır bolǵan 713 shańaraqtıń dizimi qáliplestirilip, sonnan, 706 shańaraqtıń turaq-jayın shiferlaw, 7 shańaraqtıń turaq-jayın jańadan qurıw belgilengen hám házirgi kúnde jumıslar baslap jiberilgen.
Bul jumıslar ushın Namangan wálayatı esabınan 9,8 mlrd.swm qarjı ajıratılǵan.
Búgingi kúnde rayonımızdıń hár bir máhálleleriniń infrastrukturasın jetilistiriw, xalıqtıń turmıs sharayatın jaqsılaw, máhállelerdiń sociallıq-ekonomikalıq rawajlanıwına qaratılǵan baǵdarlamalar hámde bar bolǵan mashqalalardıń sapalı hám jedellik penen sheshiliwin qarjılay hám materiallıq tárepten támiyinlew maqsetinde hár bir máhállege 500,0 mln.swm qarjı ajıratılıp, jol kartaları tastıyıqlap alındı.
Húrmetli doslar !
Sizlerdi jáne bir márte Ǵárezsizligimizdiń otız eki jıllıq bayramı menen qızǵın qutlıqlap, elimizdiń bunnan bılay da gúllep-rawajlanıwı, xalqımızdıń baxıtlı hám abadan turmısı jolındaǵı barlıq iygilikli islerińiz ońınan kelebersin, deymiz!
Qaraózek rayonı hákimligi.
