Búgin Qaraózek rayonı mektepke shekemgi hám mektep bilimlendiriw bólimine qaraslı 33 ulıwma orta bilim beriw mekteplerinde “Bilimler kúni” múnásibeti menen jańa oqıw jılınıń birinshi qońırawı qaǵıldı.
Usınday bayram keshesi rayondaǵı 1-sanlı mektepte ótkerilip, ilajǵa rayon hákimi U. Utambetov hám bir qatar bilimlendiriw tarawı xızmetkerleri menen ata-analar qatnastı.
Bayram keshesi Ózbekstan hám Qaraqalpaqstan Respublikalarınıń Mámleketlik gimnleri menen baslandı.
Ilajda rayon hákimi hám basqalar shıǵıp sóylep, mektep jámááti menen oqıwshılardı jańa oqıw jılı menen qutlıqlap, ǵárezsizligimizdiń jemislerin atap ótti hám birinshi klasqa qabıllanıp atırǵan balalarǵa, Prezident sawǵaları saltanatlı jaǵdayda tapsırıldı.
Bunnan soń, rayon hákimi hám rayonlıq mektepke shekemgi hám mektep bilimlendiriw bólimi baslıǵı mektepte “Jańa turmıs ushın, Jańa Ózbekstan ushın” súreni astında birinshi ǵárezsizlik sabaǵın ótti.

Qaraózek rayonı hákimliginiń málimleme xızmeti