Búgin rayondaǵı «Berdaq» APJ da rayon hákimi U. Utambetovtıń aymaq turǵınları menen kóshpeli qabıllawı ótkerildi.
Qabıllawǵa rayon hákimi, ϴzbekstan Respublikası Prezidentiniń Qaraózek rayonındaǵı Xalıq qabıllawxanası hám tiyisli mákeme basshıları menen aymaqtaǵı puqaralar katnastı.
Qabıllaw dawamında puqaralar tárepinen jumısqa ornalastırıw, turaq jay menen támiyinlew, emleniw ushın order alıw, ishimlik suwı hám ishki jollardı ońlaw menen baylanıslı múrájatlar kelip tústi.

Qabıllawda jollanǵan múrájatlar tolıq kórip shıǵılıp, sektor baslıǵı tárepinen qadaǵalawǵa alındı.
Bunnan soń, aymaqtaǵı jalǵız baslı sociallıq járdemge mútáj 8 shańaraqqa sektor baslıǵı tárepinen azıq-awqatlıq ónimleri tapsırılıp, hal-jaǵdaylarınan xabar alındı.

Qaraózek rayonı hákimliginiń málimleme xızmeti