Sońǵı jıllarda mámleketimiz tárepinen isbilermenlerge bir qansha qolaylıqlar jaratılıp, olardıń sanı kún sayın artıp barmaqta.
Ózbekstan Respublikası Prezidentiniń isbilermenler menen bolıp ótken kóshpeli qabıllawında isbilermenlerge jaratılǵan jeńillikler boyınsha “Ashıq sáwbetlesiw” ótkerildi.
 

Usı maqsette rayondaǵı jeke isbilermenler, jaslar jetekshileri hám hákim járdemshileriniń qatnasıwında ushırasıw ótkerildi.
Oǵan rayon hákiminiń birinshi orınbasarı Q. Azerbaev, Jas isbilermen «Faol tadbirkor» kɵkirek nıshanı iyesi Shımbaylı isbilermen Venera Satullaevalar qatnastı.
Ushırasıw dawamında isbilermen óziniń miynet jolı hám bay tájiriybesi jumıs baslaǵan dáwirindegi qıyınshılıqlardı aytıp ótti.
V. Satullaeva 1995-jılı shańaraq aǵzaları menen shireli ónimler islep shıǵarıw cexın shólkemlestirip jumıs baslaǵan bolsa, búgingi kúnge kelip kóp jıllar dawamındaǵı islegen miynetiniń nátiyjesinde, Shımbay qalasınan “Satullaeva Venera” JShJ tin ashıp, jumıs ornında 20 dan aslam jaslardı jumıs penen támiyinlep, olarǵa qolaylı sharayatlar jaratıp bermekte.
Sonday-aq ol ushırasıwda Prezidentimizdiń isbilermenlikti rawajlandırıw baǵdarında shıǵarılǵan pármanlarınıń ámelge asırılıwı mazmun-mánisin túsindirip, olar menen keńnen sáwbetlesiw alıp bardı.
Ushırasıw soraw-juwaplar menen dawam etti.

Qaraózek rayonı hákimligi málimleme xızmeti