Mámleketimizde kózi ázzi, mayıp insanlarǵa hár tárepleme ǵamxorlıqlar kórsetilip, qollap-quwatlanbaqta.
Búgingi kúnde Ózbekstan kózi ázziler jámiyeti rayonlıq bólimine 108 puqara aǵza bolıp, olardıń bos waqıtların mazmunlı ótkeriwge itibar qaratılmaqta.
Usı maqsette rayon hákimligi, Ózbekstan kózi ázziler jámiyeti Qaraózek rayonlıq bólimi menen birgelikte Ózbekstan Respublikası Ǵárezsizliginiń 32 jıllıq bayramı múnásibeti menen jámiyet aǵzaları arasında sporttıń «Shashka», «Armrestling» túri boyınsha jarıs ótkerildi.

Jarısqa jámiyet aǵzaları belsene qatnasıp óz ónerlerin kórsetti hám jarıs juwmaǵında jeńimpazlar rayon hákimligi tárepinen tayarlanǵan diplom hám bahalı sawǵalar menen sıylıqlandı.