Qaraózek rayonı Mektepke shekemgi hám mektep bilimlendiriw bólimine qaraslı 2-sanlı mektepke shekemgi bilimlendiriw shólkeminde ótkerilgen seminarǵa rayondaǵı barlıq mektepke shekemgi bilimlendiriw shólkemleri direktorları, aspazlar, miyirbiykeler hám de xojalıq isleri boyınsha meӊgeriwshiler qatnastı.
Seminarǵa Qaraqalpaqstan Respublikası Mektepke shekemgi hám mektep bilimlendiriw ministrligi, mektepke shekemgi bilimlendiriw shólkemlerinde awqatlandırıwdı shólkemlestiriw boyınsha sektor qániygesi N. Reymova balalardı awqatlandırıw tártibi, azıq-awqat ónimleriniń sapasın anıqlaw hám paydalanıw tártipleri haqqında keń túsinikler berdi.

Seminarda hár bir shólkemde balalar taǵamları boyınsha azpazlar sheberligi kózden ótkerilip, islenip atırǵan jumıslarǵa joqarı baha berildi hám aldaǵı waqıtları ámelge asırılıwı tiyis bolǵan anıq ilajlar belgilep alındı.
Qaraózek rayonı hákimliginiń málimleme xızmeti