Búgin rayon hákimi U. Utambetov «Qoybaq» APJ da bolıp, aymaq xalqı menen ushırasıp, olardı qıynap kiyatırǵan múrájatların tıńladı.
Ushırasıwda puqaralar tárepinen ishimlik suw, bántlik, qıs máwsimindegi ushırasatuǵın mashqalalar boyınsha múrájatler bildirildi.
Haqıyqattanda bul aymaqqa tábiyiy gaz jetip barmaǵanlıqtan, xalıqtı ásirese mektep, balalar baqshaların kómir hám suyılttırılǵan janılǵı menen támiyinlew búgingi kúnniń áhmiyetli máselelerinen sanaladı.

Sonlıqtanda rayon hákimi usı orınlarda bolıp, tiyisli taraw basshıları menen olardıń mashqalaların úyrenip, mektep hám baqshalardı óz waqtında jılıtıw hám olardıń turaqlı islewin támiyinlew ushın tolıq múmkinshiliklerdiń bar ekenligin atap ótti.
Sonday-aq usı kúni bir qatar sociallıq járdemge mútáj shańaraq aǵzaları menen de ushırasıp, olardıń mashqalaların tıńladı hám azıq-awqatlıq ónimlerin tapsırdı.
Qaraózek rayonı hákimliginiń málimleme xızmeti