Búgingi kúnde máhállelerdegi jumıssız puqaralardıń bántligin támiyinlew hám isbilermenlik penen shuǵıllanıwdı qálewshi puqaralardıń múrájátların qanaatlandırıw baǵdarında hákim járdemshileri olarǵa qol qanat bolıp kelmekte.
Usı maqsette rayon hákiminiń birinshi orınbasarı Q. Azerbaev hákimliktiń málimleme xızmeti hám hákim járdemshileriniń qatnasıwında baspa sóz konferenciya ótkerildi.
Konferenciyada 2023-jıl dawamında hákim járdemshileri tárepinen islengen jumıslar qarap shıǵıldı.

Búgingi kúnde rayonı aymaǵında 13 puqaralar jıyınları bar bolıp,
puqaralar jıyınlarında 9 207 xojalıq, 11 207 shańaraqta 54 101 xalıq jasap kelmekte.
Sonnan jumıssızlar sanı 1921 puqaradan ibarat bolıp, hár bir hákim járdemshisine kúnine bir puqaranıń bántligin támiyinlew rejelestirilgen bolıp, búgingi kúnge kelip 603 (31.4%) puqaranıń bántligi támiyinlendi.
Atap aytqanda jeńilletilgen kredit alıp óz isbilermenligin baslamaqshı bolǵan 975 puqaraǵa 16 mlrd 400 mln. swm muǵdarında jeńilletilgen kreditler ajıratıp berildi.
Subsidiya tiykarında 42 puqaraǵa 190 mln. swm kóleminde ásbap úskeneler ajıratıp berildi..
Konferenciyada hákim járdemshileri tárepinen usınıs pikirler bildirilip, ashıq sáwbet retinde dawam etti.
Qaraózek rayonı hákimliginiń málimleme xızmeti.