Ǵárezsiz mámleketimizdiń erteńgi keleshegi kámil insanlardı tárbiyalap jetilistiriwge óziniń barlıq ómirin baǵıshlaǵan teberik insanlar bolǵan muǵállimlerimiz benen qádirli ustazlarımızdıń «1-oktyabr Muǵállimler hám ustazlar kúni» ulıwmaxalıqlıq bayramı, rayondaǵı Mádeniyat sarayında bolıp ótti.

Bayram saltanatına rayon hákimi, bilimlendiriw xızmetkerleri, nuranıy muǵállimler menen mektep oqıtıwshıları qatnastı.
Onda rayon hákimi U. Utambetov hám basqalar shıǵıp sóylep, ózleriniń barlıq ómirin, qálbindegi nurın, mehrin balalarǵa baǵıshlap, olarǵa ilim-bilim, óner sırların úyretip, xalqımızdıń izzet-húrmetine, sheksiz alǵısına miyassar bolǵan ustazlarımızdı kásiplik bayramları menen qutlıqlap, óz minnetdarshılıqların bildirdi.
Bunnan soń, bir qatar aldıńǵı tájiriybeli joqarı nátiyjelerge erisken muǵállimlerge rayon hákimliginiń húrmet jarlıqları, Ózbekstan hám Qaraqalpaqstan xalıq bilimlendiriw aǵlası kókirek nıshanları menen bahalı sawǵaları tapsırıldı.
Bayram ilájı yoshlı koncert baǵdarlamaları menen dawam etti.

 

Qaraózek rayonı hákimliginiń málimleme xızmeti