Usınday jeńilliklerden paydalanıp óz isbilermenligin jaqsı jolǵa qoyıp kiyatırǵan jas isbilermen A. Jeńisbaev.
Ol 2013-jılı rayon orayınan “Qaraqum Abbaz” JShJ tin ashıp xalıqqa sapalı sawda xızmetin kórsetip keldi. Usınday kóp jıllar dawamında islegen miynetleriniń nátiyjesinde smetalıq bahası 4,5 mlrd sum bolǵan “MEGA” sawda orayın ashtı.

Búgin usı imárattıń ashılıw saltanatı bolıp, oǵan rayon hákimi U. Utambetov, rayon nuranıyları menen bir qatar isbilermenler hám rayon xalqı qatnastı.
Onda shıǵıp sóylegenler, rayon ushın bunday sawda ornınıń júdá zárúr ekenligi hám qarıydarlar ushın qolaylı sharayatlardıń jaratılıwına kewilleri tolıp, imárattıń ashılıwı menen qutlıqladı hám bul sawda ornınıń abzallıqlarına toqtap ótti.
Bunnan soń, kelgen miymanlar imárattıń ishindegi sawda orınlarınıń qolaylıqları, bahaları menen tanısıp shıǵıp, ózleriniń pikir usınısların bildirdi.

Maǵlıwmat ushın: “MEGA” sawda orayında 2022-jıldan baslap qurılıs jumısları alıp barıldı hám bankten 2 mlrd sum, óz esabınan 2,5 mlrd sum qarjı jumsalıp, házir bul orında 50 jastıń bántligi turaqlı túrde támiyinlendi.