BMSh Bas Assambleyasınıń 2007-jıl 18-dekabrdegi “Awıl hayallarınıń awhalın jaqsılaw” haqqındaǵı rezolyuciyasına tiykarlanıp, 15-oktyabr- Xalıqaralıq awıl hayalları kúni dep járiyalandı.
Bul kún biziń elimizde de bayram sıpatında hár jılı belgilenip kiyatır. Awıl xojalıǵında turmıstıń qaysı tarawın alsaq ta hayal-qızlarsız kóz aldımızǵa keltire almaymız.

Usı bayram múnásibeti menen rayon hákiminiń orınbasarları, paxta jıyın terimine belsendi qatnasıp kiyatırǵan hayal-qızlarımızdı atız basında bayramları menen qutlıqlap, xalqımızdıń milliy baylıǵı bolǵan paxta zúráátine qosıp atırǵan úlesleri ushın minnetdarshılıqların bildirdi.
Usı kúni awıl hayallarınıń qatnasıwında, “Eń aldıńǵı terimshi” jarısı shólkemlestirilip, jarıs juwmaǵında I-orındı «Esim» MPJ nan Bektursınova Minayım 164 kg, II-orındı eki terimshi Qaraózek posyolka puqaralar jıyınınan Pirjanova Jupar 109 kg hám “Qutlı mákan” MPJ nan Ametova Gúlmira 109 kg, III-orındı «Mádeniyat» APJ Maxambetova Roza 103 kg nan aslam paxta terip, qımbat bahalı sawǵalar menen sıylıqlandı. Bayram ilájı yoshlı koncert baǵdarlamaları menen dawam etti.
Usınday dúnyanıń tiregi, ómirdiń mazmunı, awıldıń kórki bolǵan hayal-qızlarımızǵa bayram múbárek bolsın, áziz awıl hayalları degimiz keledi!

Qaraózek rayonı hákimligi málimleme xızmeti.