Prezidentimizdiń arnawlı qararına tiykar 2023–2026-jıllarda mámleketimizdiń barlıq aymaqlarında paxta ónimin jıynap alıwdı mexanizaciyalawdı jedellestiriw boyınsha wazıypalar belgilengen edi.
Usıǵan tiykar, Qaraózek rayonına Qıtay mámleketinen alıp kelingen paxta teriw mashinası paxta teriwdi baslap jiberdi.
Búgingi ilájǵa, Qaraqalpaqstan Respublikası Ministrler Keńesi baslıǵı F. Ermanov, rayon hákimi hám tiyisli taraw basshıları qatnasıp, bul texnikalardıń qol kúshine qaraǵanda abzallıqları hám kúnine 15-20 tonna átirapında ónim terip alıp, terimde qol miynetin kemeytiw hám nátiyjelilikti arttırıwǵa járdem beretuǵınlıǵın atap ótti.
Aldaǵı waqıtta rayonǵa usınday paxta teriw mashinaların jánede alıp keliw rejelestirilgen.

Qaraózek rayonı hákimliginiń málimleme xızmeti