Rayondaǵı “Mádeniyat” APJ aymaǵında házirgi waqıtta 1086 xojalıqta 6625 xalıq jasaydı aymaqta jasawshı puqaralardıń turmıs shárayatın jaqsılaw, múrájatlerin qanaatlandırıw maqsetinde mámleketimiz basshıları tárepinen bir qatar unamlı jumıslar alıp barılmaqta.
Atap aytqanda, 2023-jıl dawamında Open byudjet tiykarında awıl puqaralar jıyını orayına jasıl qaplamalı stadion hám jaslardıń sport penen turaqlı shuǵıllanıwı ushın “Vorkaut” maydanshası, Qaramoyın awılına 4,9 km uzınlıqta kóshelerge hám “Meniń jolım” baǵdarlaması tiykarında Ótegen awılında 5 km uzınlıqtaǵı kóshelerge ShPS jayıw jumısları islendi.
Sonday-aq, aymaqtaǵı 9-sanlı orta mektepke «Bes baslama» olimpiadası sheńberinde sporttıń “Volebol” túri boyınsha Berdaq awılı jaslarınan dúzilgen qızlar komandası, Ózbekstan Respublikasında sıylı birinshi orındı iyelegeni ushın sport maydanshasın jeńip alıp iske tústi.

Xalıqtı taza ishimlik suw menen támiyinlew maqsetinde, Qaramoyın awılındaǵı 80 xojalıqqa suwdı dushshılandırıwshı stanciyası qurıp berilip, awıl xalqı sapalı ishimlik suwı menen tolıq támiyinlendi.
Awıl puqaralar jıyını aymaǵındaǵı jergilikli áhmiyetke iye 4.N 19G avtomobil jolına da 1,5 km qara qaplamalı asfalt tóselip, qurılıs jumısları juwmaǵına jetkerildi.
Aymaqtaǵı bunday islenip atırǵan iygilikli isler, xalqımızdıń párawın turmısınıń jaqsılanıwında xızmet qıladı.

Qaraózek rayonı hákimligi málimleme xızmeti