Elimizdiń abat hám kórkemligi azada bolıwı usı jurtta jasap atırǵan hár birimizdiń puqaralıq wazıypamız hám minnetimiz esaplanadı.
Búgingi kúnde elatlı punktlerdi abadanlastırıw aymaqtıń tazalıǵın saqlaw, qorshaǵan ortalıqtıń tazalıǵına itibar qaratıw Respublika basshılarınıń baslı dıqqat-itibarında bolıp atır.
 

Bul baǵdardaǵı jumıslar rayondaǵı “Qaraózek” APJ da dawam etpekte. Búgin bul orında rayondaǵı bir qatar mákeme, kárxana hám basqada miynet jámáátleri awızbirshilik penen abadanlastırıw ilájlarına qatnasıp, aymaqtaǵı jol boyların tártipke keltiriw, terek egiw, kóshe boylarındaǵı turaq jaylar menen gaz tarmaqların ońlaw sıyaqlı jumıslardı alıp barmaqta.
Sonday-aq, rayon hákimi usı aymaqtaǵı “Qaramoyın” awılında jaylasqan qoyımshılıq átirapındaǵı qurılıs hám abadanlastırıw jumıslarınıń barısı menen tanısıp, qurılısshılarǵa harmasın aytıp, qayırlı islerine minnetdarshılıǵın bildirdi.
Aymaqtaǵı islenip atırǵan bul jumıslar keleshekte bul aymaqtıń jánede kórkeyip, abadanlasıwına tiykar jaratadı.
Bunday iygilikli hám azadalıq isler rayonnıń basqada orınlarında dawam etip atır.

Qaraózek rayonı hákimligi málimleme xızmeti