Rayon aymaǵındaǵı yuridikalıq hám fizikalıq shaxslarǵa tiyisli transport quralları hám tirkemelerdi májbúriy texnikalıq kórikten ótkeriw haqqında

“Jergilikli mámleketlik hákimiyatı  haqqında”ǵı Qaraqalpaqstan Respublikası Nızamınıń 5, 22-statyaları,  “Jol háreketi qáwipsizligi  haqqında”ǵı  Nızamınıń 17-statyası, Ózbekstan Respublikası Ministrler Kabinetiniń 2021-jıl             9-martdaǵı “Transport quralların  májbúriy  texnikalıq kórikten  ótkeriw tártibin  qáliplestiriwge tiyisli qosımsha is-ilajlar haqqında”ǵı 125-sanlı qararı menen tastıyıqlanǵan  “Transport   quralların   májbúriy  texnikalıq kórikten ótkeriw tártibi haqqında”ǵı Nızamǵa muwapıq transport quralların   2022-jılda texnik kórigin shólkemlestiriw maqsetinde    

                                        ShEShIM  ETEDI:          

 

  1. Rayonda múlikshilik túrine qaramastan fizikalıq hám yuridikalıq shaxslarǵa tiyisli bolǵan transport quralları májburiy texnik kórikten ótkerilsin.
  2. Rayonda texnikalıq  kórikti   ótkeriw ushın dúzilgen komissiya quramı 1-qosımshaǵa, fizikalıq hám yuridikalıq shaxslarǵa tiyisli bolǵan transport qurallarınıń 2022-jılǵı májburiy texnik kórikten ótkeriw kestesi 2-qosımshaǵa muwapıq tastıyıqlansın.        
  3. Transport quralların texnikalıq kórikten ótkeriw tómendegi waqıtlarǵa muwapıq belgilensin:
  4. a) kommerciyalıq tiykarda jolawshılar tasıw iskerligi menen shuǵıllanıwshı jeńil avtomobiller, avtobuslar, trolleybuslar hám orınlıqlar sanı 8 hám onnan artıq bolǵan (aydawshınıń ornınan tısqarı), adamlardı turaqlı tasıw ushın úskenelengen júk avtomobilleri, iri gabaritli, awır salmaqlı hám qáwipli júklerdi tasıw ushın arnawlı transport quralları hám olardıń tirkemeleri- bir jılda eki márte;
  5. b) islep shıǵarılǵanına altı jıldan kóp bolmaǵan transport quralları (usı bánttiń «a» kishi bántinde kórsetilgen transport qurallarınan tısqarı) – eki jılda bir márte;
  6. v) islep shıǵarılǵanına  altı jıldan artıq bolǵan, sonday-aq, islep shıǵarılǵan waqtı   anıq bolmaǵan transport quralları (usı bánttiń «a» kishi bántinde kórsetilgen transport qurallarınan tısqarı) – bir jılda bir márte;
  7. g) tirkemeler texnikalıq kórikke transport quralı- júk transportları ushın belgilengen múddetlerde;
  8. d) náwbettegi texnikalıq kórikten ótkeriwdiń aldın ornatılǵan múddetlerine qaramastan, olardı MJHQX uyımlarında dizimnen ótkeriw (qayta dizimnen ótkeriw) waktında (birinshi márte dizimge alınıp atırǵan jańa transport qurallarınan tısqarı)
  9. Usı sheshimniń 3-bánti ekinshi xat basında kórsetilgen transport qurallarınıń texnikalıq kórigi:

birinshi márte- 1mart – 30 iyunda;

ekinshi márte- 1 sentyabr – 31 oktyabrda ótkeriledi.

Fizikalıq hám yuridikalıq shaxslarǵa tiyisli basqa transport qurallarınıń texnikalıq kórigi 1 yanvar – 31 dekabrde ótkeriledi.

  5.Transport quralların   májburiy   texnik kórikten ótkeriw rayon komissiya baslıǵına transport quralların texnik kórikten ótkeriwde:

transport  quralların dizimnen ótkeriw haqqındaǵı guwalıqta(texnik pasporta, texnik talonda) kórsetilgen maǵlıwmatlarǵa transport quralı túri, markası, modeli, mamleket dizimnen ótkeriw belgileri, shassi(rama), kuzov hám dvigateldiń idenifkaciya nómerleriniń muwapıqlıǵı;

 transport  qurallarınıń texnik jaǵdayı hám uskeneleri texnik reglamentler, standart talaplarına, jol háreketi qáwipsizligi qaǵıydalarına hám normalarına muwapıqlıǵı;

arnawlı xızmetlerdiń  transport qurallarında arnawlı reńli hám dawıslı signallar qurılmalarınıń bar ekenligi, sazlıǵı hám nızamlıǵı, sonıń menen birge transport qurallarınıń reń-grafik boyaw sxemalarınıń texnik reglamentler yaki standartlar talaplarına muwapıqlıǵı;

gaz janar mayında islew ushın qayta úskenelengen transport quralların texnik kórikten   ótkeriwde   gaz  balonlarınıń  paydalanıw  múddeti, islep shıǵılǵan jılı, zavod nomeri, gaz balonların sınawdan ótkeriw múddetleri, gaz ballon úskeneleriniń belgilengen talaplarǵa muwapıqlıǵın tekseriliwin támiyinlesin.

  1. Transport qurallarınıń májburiy texnik kórigi MJHQX uyımları hám isbilermenlik subektleri –yuridik shaxslar tárepinen Nızamǵa muwapıq ótkeriledi hám tiyisli tólem óndiriledi.

Transport qurallarınıń texnik jaǵdayı hám úskeneleriniń  muwapıqlıǵın bahalaw ushın  MJHQX uyımları tarepinen ministirlikler, shólkemler hám basqa shólkemlerdiń texnika bazaları, sonıń menen birge jeke texnik xızmet kórsetiw stanciyaları shartnama tiykarında qamtıp alınıwı múmkin.

Fizikalıq shaxslarǵa tiyisli bolǵan M1 kategoriyadaǵı transport quralları tek isbilermenlik subektleri tárepinen texnik kórikten ótkeriledi.

7.Rayondaǵı barlıq transport quralları iyeleri bolǵan yuridik hám fizikalıq shaxslarǵa  texnik kórikten ótkeriw kestesi tiykarında transport quralların texnikalıq jaqtan sazlıǵın óz waqtında texnik kórikten ótkeriw májburiyatı júkletilsin.

  1. Ózbekstan Respublikası Ministrler Kabinetiniń 2021-jıl 9-marttaǵı “Transport quralların májbúriy texnikalıq kórikten ótkeriw tártibin qáliplestiriwge tiyisli qosımsha is-ilajlar haqqında”ǵı  125-sanlı qararınıń 3-bánti talaplarınan kelip shıǵıp, rayonlıq qorǵanıw bólimi, ishki isler bólimi hám mámleketlik qáwipsizlik xızmeti transport quralları usı mekemeler tárepinen belgilengen tártipte májbúriy texnikalıq kórikten ótkeriliwi názerde tutılsın.
  2. Rayon hákimliginiń 2021-jıl 31-iyuldaǵı “Rayon aymaǵındaǵı yuridikalıq hám fizikalıq shaxslarǵa tiyisli transport quralları hám tirkemelerdi májbúriy texnikalıq kórikten ótkeriw haqqında”ǵı 17/13-183-Q/21 sanlı   sheshimi óz kúshin joytqan dep esaplansın.
              10.  Usı sheshim    “Miynet bayraǵı”    gazetasında    járiyalansın   hám  rayon hákimliginiń rásmiy veb-saytına jaylastırılsın.
              11. Usı sheshim rásmiy járiyalanǵan kúnnen baslap kúshke kiredi.
              12. Usı sheshimniń orınlanıwın qadaǵalaw rayon hákiminiń birinshi orınbasarı Q.Azerbaevǵa júkletilsin.

     

                                                                                            Hákim:                                                 U.Utambetov