- Qaraózek rayonınıń bar bolǵan turistlik potencialı.
Qaraózek rayonında búgingi kúnde jám 21 mádeniy miyras obektler bar bolıp, sonnan 8 arxeologiyalıq obektler, 2 arxitektura obektleri,
5 monumental hám kórkem óner obektleri hám 6 dıqqatqa ılayıq orınlardı quraydı. Sonnan 2 mádeniy miyras obektleri turizm marshrutlarına kiritilgen.
Rayondaǵı jámi turizm obektlarin tómendegi jónelislerge bóliw múmkin:
Tarıyxıy-mádeniy turizm jónelisine: Qaraózek rayonı «Mádeniyat» APJ orayındaǵı Mádeniyat úyi muzeyi
Arxeologiyalıq turizm jónelisine: «Jampıq qala» arxeologiyalıq obekti.
Ziyarat turizmi jónelisinde: Joq
Etno turizmi jónelisinde: Joq
Qaraózek rayonına 2021 jılda 3000 ǵa jaqın jergilikli, 100 ge jaqın shet ellik turistler kelgen.
2022-jıldıӊ birishi sheregi dawamında 13 400 ge jaqın jergilikli, 50 ge jaqın shet ellik turistler kelgen.
Germaniyanıӊ GIZ halıqaralıq birge islesiw shólkemi qáwenderliginde jámi 3 mádeniy miyras hám ziyarat obektleri (Gawir qala, Jampıq qala hám Shayx Jalil baba) ǵa ishki turizm túsindiriwi ushın maǵlıwmat taqtayshası (bilbordlar) ornatıldı.
Sonday-aq, “Shayx-Jalil” baba maqbarasına alıp barıwshı 4 h 61 «Qıpshaq FDX-Xujakul STF” avtomobil jolınıӊ 0-8 km bólegin jaӊadan asfaltlaw jumısları alıp barılıp paydalanıwǵa tapsırıldı.
Aldaǵı waqıtlarda ámelge asırılatuǵın jumıslar haqqında.
– Rayonda sayaxatshılar ushın oraylar, muzey hám xızmet kórsetiw obektlerin shólkemlestiriw;
– Rayonnıń turistlik imkaniyatların reklamasın shólkemlestiriw maqsetinde dástúrler islep shıǵıw;
– rayondaǵı mádeniy miyras obektlerine alıp barıwshı jollardı remontlaw;
– Jergilikli hám shet ellik sayaxatshılarǵa qolaylıq jaratıw máqsetinde rayonda turistlik jol kórsetkishler belgileri ornatıladı;
– turistlik obektke keliwshiler ushın anıq anıq maǵlıwmatqa iye bolıw imkaniyatın jaratıw maqsetinde maǵlıwmat taxtayshaları ornatıladı;
– Rayonnıń turistlik kartası islep shıǵıladı;
Rayondaǵı «Shayx Jalil baba» maqbarası;
Maqbara aymaǵında búgingi kúnde ziyaratshılar ushın awqatlanıw, dem-alıw, estelik buyımlar satıp alıw sıyaqlı xızmet túrleri jaratılǵan.
Tawlı aymaqlarda turizm tarawın rawajlandırıw
Rayondaǵı «Qoybaq» APJ aymaǵındaǵı «Qarataw» massivinde (Shayx Jalil baba ziyaratxanası átirapında) tawlı turizmdi rawajlandırıw imkaniyatları bar.
