Ózbekstan Respublikası Prezidentiniń 2021-jıl 13-aprel kúngi “Byudjet processinde puqaralardıń belsene qatnasıwın támiyinlew boyınsha qosımsha is-ilajlar haqqında”ǵı PQ-5072-sanlı qararına tiykarlanıp, Ózbekstan Respublikası Qarjı Ministrliginiń “Ashıq byudjet” portalı iske túsirilgen edi.
2022-jıl 1-yarım jıllıq ushın rayonımızda “Puqaralar baslaması qorı”na 2021-jıl “Puqaralar baslaması qorı” qarjılarınan qaldıq hám únemlengen qarjıları esabınan 823,4 mln.swm, 2022-jılǵı rayon jergilikli byudjetiniń tastıyıqlanǵan ulıwma qárejetleriniń 2,5 payızı esabınan 1 mlrd 819,7 mln.swm hám jıl basına qáliplesken erkin qaldıq esabınan 219,8 mln.swm jámi 2 mlrd 864,9 mln.swm qarjı jónelttirildi.
Ashıq byudjet portalında dawıs beriwdiń juwmaqlawshı basqıshı usı jıldıń 1-aprel sánesinde juwmaqlandı. Rayonımız boyınsha “Ashıq byudjet” málimleme portalı arqalı puqaralar tárepinen jámi 461 usınıslar kelip túsip, usınıslar isshi komissiya tárepinen úyrenilip, 265 usınıs belgilengen kriteriyaǵa sáykes kelmegenligi sebepli qabıl etilmedi hám 196 usınıslar dawıs beriw basqıshına ótkerildi. Bul basqıshta rayonımızda puqaralar tárepinen usınıslarǵa jámi 14 458 dawıslar berildi.
Dawıs beriw juwmaǵına kóre tómendegi 4 usınıs eń kóp dawıs toplap «jeńimpaz» dep tabıldı: Atap aytqanda
1.“Ata mákán” mákan puqaralar jıyını aymaǵına 2-sanlı mámleketlik mektepke shekemgi bilimlendiriw shólkemin remontlaw usınısı- 2077 dawıs;
- “Ata mákán” mákán puqaralar jıyını D.Axmedov (S.Nurımbetov) kóshesine ishimlik suwın tartıw usınısı-1984 dawıs;
3.Rayonlıq Xalıq bilimlendiriw bólimine qaraslı 26-sanlı ulıwma bilim beriw mektebine balalar futbol maydanshası(gazon)n qurıw usınısı-1967 dawıs;
4.Jiyen jıraw atındaǵı balalar muzıka kórkem-óner mektebiniń 2-etajın remontlaw usınısı-1894 dawıs toplap jeńimpaz dep tabıldı.
Joqarıdaǵı jeńimnaz dep tabılǵan usınıslarǵa “puqaralar baslaması qorı” qarjıları esabınan qarjı ajıratılıwı belgilendi.
Rayonımız turmısına biyparwa bolmay, dawıs beriw processine belsene qatnasqan bárshe Qaraózek turǵınlarına rayon hákimligi atınan minnetdarshılıq bildiremiz.
Sonday-aq, 2-máwsim “Ashıq byudjet” portalına usınıs kiritiw hám dawıs beriwge iyul ayında start beriledi.
