Búgin rayondaǵı “Jaslar” dápterinde dizimde turǵan bir qatar isbilermen jaslardıń jumısları, ónermentshilik, sport tarawındaǵı jetiskenlikleri menen tanısıw ushın ǵalaba xabar quralları wákilleri menen rayon hákimliginiń bir qatar xızmetkerleriniń qatnasıwında press tur shólkemlestirildi. Press tur dawamında qatnasıwshılar usı orınlarda bolıp, jaslar menen keńnen sáwbetlesti hám olardı qıynap kiyatırǵan mashqalalardı úyrenip, jaslarǵa ózleriniń másláhátlerin berdi hám olardıń alıp barıp atırǵan jumısları menen jetiskenlikleri Qaraqalpaqstan telekanalı “Xabar” baǵdarlaması kórsetiwine tayarlandı. Press tur jaslarımızdıń sorawları menen dawam etti.