Usı múnásebet penen rayondaǵı 16-sanlı Balalar muzıka hám kórkem-óner mektebinde bayram ilajı shólkemlestirildi. Oǵan rayondaǵı tórt sektor baslıqları mákeme, shólkem basshıları menen mektep muǵallimler qatnastı. Bayram keshesinde rayon hákimi hám basqalar shıǵıp sóylep, jıynalǵanlardı qaraqalpaq tili, onıń rawajlanıw tariyxı, búgini hám keleshegi haqqında bahalı pikirlerin bildirdi hám bayram menen qutlıqladı.

Bunnan soń rayondaǵı bir qatar belsendi taraw xızmetkerleri menen mektep oqıtıwshılarına rayon hákimliginiń húrmet jarlıqları menen bayram sawǵaları saltanatlı jaǵdayda tapsırıldı. Sonday-aq usı kúni qaraqalpaq xalqınıń milliy buyımları, milliy kiyimleri hám salt-dástúrleri kórgizbesi shólkemlestirildi. Bayram ilajı rayonlıq Mádeniyat bólimi hám muzıka mektebiniń yoshlı koncert baǵdarlamaları menen dawam etti.