Xalqımızdı sapalı ishimlik suw menen támiyinlew mámleketimiz basshısınıń baslı dıqqat itibarında bolıp, bul baǵdarda alıs awıllıq jerlerde jasawshı xalıqtı birinshi náwbette taza ishimlik suw menen támiyinlew baslı wazıypa etip qoyılǵan.
Usı maqsette Qaraqalpaqstan teleradiokompaniyası jurnalistleri, rayon hákimliginiń málimleme xızmeti menen birgelikte, rayondaǵı suw tarmaqlarındaǵı qurılıs jumısları menen tanısıw ushın press tur shólkemlestirildi.
ϴzbekstan Respublikası Prezidentiniń 2020-jıl 11-noyabr kúngi “2020-2023-jıllarda Qaraqalpaqstan Respublikasın kompleksli sociallıq-ekonomikalıq rawajlandırıw is-ilajları haqqında” ǵı PQ-4889-sanlı qararına muwapıq, rayonda 2020-2023-jıllarda jámi 152, 3 mlrd. sumlıq 34 dana sociallıq taraw obektleri hámde jol-transport injenerlik-kommunikaciya tarmaqlarına qurılıs ońlaw jumısların alıp barıw reje qılındı.
Solardan 4,5 mlrd. sumlıq «Esim» MPJ aymaǵındaǵı «Qaraózek» suw bólistiriw stanciyasına qurılıs ońlaw jumısları alıp barılmaqta. Bul jumıslar menen ǵalaba xabar quralları wákilleri, press tur dawamında tanısıp, arnawlı kórsetiw tayarlandı.
Qurılıs jumısları tamamlanǵannan keyin xalıqtıń ishimlik suwǵa bolǵan talabın qaanatlandırıw ádewir jaqsılanadı.