Múrájatlar aymaqlarda júrip úyrenilmekte

Rayondaǵı sektor basshıları, xalıq qabıllawxanası, ádillik bólimi hám mákeme basshılarınıń qatnasıwında rayon aymaǵında “Máhállebay” islew sisteması jolǵa qoyılıp, xalıqtıń arasında mashqalaların úyreniw jumısları dawam etip atır. Rayon hákimi hám tiyisli taraw basshılarınıń qatnasıwındaǵı náwbettegi ushırasıw birinshi sektor aymaǵındaǵı «Berdaq» APJ nı «Kepe» awılı puqaraları hám jasları menen ótkerildi. Ushırasıwda puqaralar tárepinen elektr-energiyası, jumıssızlıq boyınsha múrájatlar bildirildi.

Bul múrájatlar sol jerdiń ózinde tiyisli mákeme basshılarınıń katnasıwında úyrenip shıǵıldı hám rejeler belgilep alındı.
Ótken jılda aymaqta jasawshı járdemge mútáj shanaraqlardıń biri, Dálibay Jumaǵaliev rayon hákimligine turaq jay alıp salıp beriw ushın múrájat etken edi. Puqaranıń bul múrájatı rayon hákimligi tárepinen kórip shıǵılıp, qısqa múddet ishinde qáwenderler tárepinen 3 xanalı jay salıp berildi.
Búgin rayon hákimi usı shańaraq aǵzalarınıń jaǵdayınan xabar alıp, jaydıń qurılıs jumıslarına qatnasqan qurılısshılarǵa óz minnetdarshılıǵın bildirdi hám shańaraq iyelerin qutlıqladı.