Ózbekstan Respublikası Ministrler Kabinetiniń 2022-jıl 17-yanvardaǵı «Jetim balalar hám ata-ana qaramaǵınan ayrılǵan balalardı hár tárepleme qollap-quwatlawǵa qaratılǵan «Mehir dápteri» sistemasın engiziw ilajları haqqında» ǵı 26-sanlı qararına muwapıq, «Mehir dápteri»ne kirgizilgen ámengerlikke hám qáwenderlikke alınǵan 24 balalardıń arzıw niyetlerin ámelge asırıw maqsetinde, Qaraózek rayonı hákimligi tárepinen olardıń qálewindegi sawǵalar alıp berilip, óz iyelerine tapsırıldı.

«Mehir dápteri»ne kirgizilgen balalardıń tilek-ótinishlerine bola
14 noutbuk, 8 printer (3 v odnom), 1 planshet, 8 velosiped, 7 tigiw mashinası, 3 overlok tigiw mashinası, 1 televizor, 1 gaz plita, 1 sport inventarı, 2 kiyim-kenshek, 1 baraban, 2 gitara, 6 buknomi kitap, 1 tonometr, 1 pila torcovochnaya, 1 kompressor, 1 oqıw quralları saltanatlı túrde tapsırıldı.
Sonday-aq, úsh balanıń úyiniń gaz hám elektr energiyası tólemleri tólep berildi.
Tapsırıw saltanatında rayon hákimi U. Utambetov qayırqomlıq qorınıń dúziliwinde elimizde balalarımızǵa qaratılǵan ayrıqsha itibardıń bir kórinisi ekenligin atap ótip, tapsırılıp atırǵan sawǵalar olardıń keleshegi ushın tiykar bolıwına isenim bildirdi.
Qaraózek rayonı hákimliginiń málimleme xızmeti