Ramazan – mehir-múriwbet ayı

Múbárek Ramazan ayında kóplep sawaplı isler qılıw, gúnálarǵa táwbe etiw, shıraylı minez-qulıqqa ádetleniw barlıq puqaralarǵa nesip etetuǵın ay.
Islam dininiń bes parızınıń biri sanalǵan Ramazan ayında “Oraza” tutıw barlıq mómin musılmanlarǵa tán pazıylet.
Usı múnásebet penen Qaraózek rayonındaǵı “Ǵárezsizlik guzarı” MPJ aymaǵında múbárek Ramazan ayı múnásibeti menen aymaq puqaraları ushın rayon hákimligi tárepinen dástúrxan jayılıp húrmet kórsetildi.

Jıynalǵanlardı rayon hákimi U. Utambetov, “Idris iyshan” jámáátlik meshti bas imam xatibi A. Idrisov jańa aydıń baslanıwı menen qutlıqlap Oraza tutıp, parızın orınlap, elimiz rawajlanıwına tilek bildirip atırǵan barlıq múmin musılmanlarǵa tilekleri qabıl bolıwların bildirdi.
Ilajda rayon aymaǵında mehir-miriwbetlik, mútájlerge kórsetilip atırǵan járdemler, xalıqtı sociallıq jaqtan qorǵawda mámleketimiz basshısı tárepinen alıp barılıp atırǵan jumısları boyınsha túsinikler berildi.
Sonday-aq Joqarǵı Keńes baslıǵı baslaması menen elimizdegi “Mehir háreketi” sheńberindegi ilajlar maqtanısh penen tilge alındı.
Óz gezeginde aymaq puqaralarıda ózlerine kórsetilip atırǵan bunday ǵamqorlıq hám itibar ushın minnetdarshılıqların bildirdi.
Rayonda bunday sawaplı isler hár bir aymaqta dawam etip atır.
 

Qaraózek rayonı hákimliginiń málimleme xızmeti