Usı jıldıń 3-9-Oktyabr kúnleri «Kekselerdi qádirlew» hápteligi etip belgilenip, usı múnásibet penen rayondaǵı jası úlken nuranıylar menen ushırasıw bolıp ótti.
Ushırasıwǵa rayon hákimi U. Utambetov hám Xalıqaralıq Amir Temur jámiyetlik fondı wákilleri qatnastı.
Onda sózge shıqqanlar, Prezidentimiz tárepinen kekse áwlad wákillerine qaratılıp atırǵan itibar hám olardıń qollap-quwatlaw nátiyjesinde erisilip atırǵan jetiskenliklerge keńnen toqtap ótti.
Sonday-aq, xalıqaralıq fondtıń alǵa qoyǵan maqsetleri grant túrlerin ushırasıw qatnasıwshılarına keń túrde túsindirip ótti.
Ushırasıw dawamında túrli tarawlardıń rawajlanıwında biyminnet xızmet etken 12 belsendi nuranıylarǵa “Xalıqaralıq Ámir Temur jámiyetlik fondı” hám “Berdaq Ǵarǵabay ulı” xalıqaralıq estelik belgileri menen sıylıqlandı.
Bunnan soń, sıylıq iyeleri kelgen miymanlarǵa ózleriniń minnetdarshılıqların aytıp, jaqsı tileklerin bildirdi.