Qaraózek rayonı hákimliginiń májilisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti. Sessiyaǵa rayonlıq Keńestiń deputatları, sektor baslıqları, ózin-ózi basqarıw uyımları, mákeme, shólkem basshıları menen ǵalaba xabar quralları wákilleri qatnastı. Sessiya jumısın Xalıq deputatları Qaraózek rayonlıq Keńesine 14-sanlı «Qara aǵash» saylaw okrugi deputatı M.Gulimbetov basqarıp bardı. Sessiya kún tártibine usınılǵan máseleler boyınsha tiyisli mákeme hám shólkem basshılarınıń usınıs hám esabatları tıńlandı. Kún tártibindegi basqada máseleler boyınsha sheshimler qabıl etilip, aldaǵı rejeler belgilep alındı. Sessiya sońında rayonlıq Keńeske saylanǵan deputat hayal-qızlarǵa 8-mart xalıqaralıq hayal-qızlar bayramı múnásibeti menen bayram sawǵaları saltanatlı túrde tapsırıldı.