Ózbekstan Respublikası Prezidentiniń 2022-jıl 15-mart kúngi PQ-167-sanlı qararı tiykarında aymaqlardaǵı, Nuranıylar jámiyetlik keńesleri, puqaralar jıyınlarındaǵı “Kekseler másláháti” toparları aǵzaları hám máhálle belsendileriniń qatnasında aymaqlardaǵı tárbiyası awır, mánawiy kómekke mútáj, jumıssız jaslardı “Bir nuranıy on jasqa juӯapker” principi tiykarında úlgili ómir hám miynet jolına iye nuranıylarǵa biriktiriw wazıypası alǵa qoyıldı.
Usı jumıslardıń orınlanıwın támiyinlew maqsetinde Máhálle hám Nuranıylardı qollap-quwatlaw bѳlimi, Jaslar isleri agentligi rayonlıq bѳlimi, Respublika Ruwxıylıq hám aǵartıwshılıq orayı rayonlıq bѳlimi tárepinen, puqaralar jıyını aqsaqalları menen birgelikte aymaqlardaǵı 36 belsendi nuranıylardı 287 jasqa mánáwiy ustaz sıpatında juӯapker etip bekitildi.
Usı maqsette, rayon orayındaǵı “Samat” restoranında aymaqlardaǵı jaslarǵa ustaz sıpatında biriktirilgen nuranıylar menen rayon belsendileri hám jaslar jetekshileriniń ushırasıwı ótkerildi.
Onda jámiyetimizde el-jurt táǵdirine biypárwa bolmaw, jaslar tárbiyasında jası úlkenlerdiń juwapkershiligin asırıw máseleleri boyınsha sáwbetlesiwler ótkerildi hám bul jumıslardı nátiyjeli jolǵa qoyǵan nuranıylar xoshemetlendi.
Ilajǵa rayon hákimi U. Utambetov hám Qaraqalpaqstan Respublikası Máhálle hám nuranıylardı qollap-quwatlaw ministri orınbasarı, Nuranıylar qorı Qaraqalpaqstan Respublikası bólimi baslıǵı T. Abdijabbarovlar qatnastı.
Usı kúni «Ata mákan» MPJ da jasawshı 100 jaslı anamız, Mátekeeva Biybayım apanıń hal-jaǵdayınan xabar alınıp, sawǵalar tapsırıldı.